今日去左軒尼詩道剪頭髮.

我係出面見到$59 就入去呢間黑店,

點知間野D 服務態度勁差.

前面無剪過,懶, 跟著我叫佢剪.

佢勁唔想剪,表情好差

話咩我地唔會同你剪兩三次,我心諗我只係叫你返剪,你唔洗咁呀.

表情凶神惡煞,見你仲拿著較剪,先唔同你嘈.

我心想話佢︰如果你唔想剪,我有權唔俾錢..

果個師傅手勢唔好,剪到我個頭有D 難睇.

跟著去收銀處,俾錢就聽到︰先生,多謝$68.

我心想唔係$59咩,跟著我就俾左錢先.

由於我唔服,我就去出面睇下多次.

先發現在出面塊玻璃最低有行細字,寫每次收取服務費$9.咁就$68.

細到咁仲要係最低不顯眼位置咁寫,即係明裝人.

我咁大個人,都未去過D 咁既昆人服務態度惡劣的髮型屋,去對面頭頭是道仲好.

也許你會問我係邊,間野名就唔講.

只係話你知入面是全橙色,門口出面是放洗頭水的..

呢間鋪我今生今世都不會再光照顧,去完之後谷鬼氣,

剪頭髮都剪到成肚氣！！

 今次是我第一次用xanga.

五月一日去左昂船洲軍營,果日上午８：３５　去到6R 總站，等到8:53分先有車黎.

就坐左呢架去.

去到第一個建築物是︰

一次見到哂海陸空三軍,

上去D 戰艦又落唔到下層,掃興.

就去拿下真槍

仲有好多野睇。。

跟著睇完人升國旗唱大喇叭﹑去左個廳睇人歌舞表現.

Then,去左個廳睇人歌舞表現.

(聽唔明佢講咩,好在有字幕)，不過果度多數係Ｄ上左年紀的人。

跟著睇下景色，睇到中環（不過好蒙）

及這裡的景色，睇到維港灣﹑大陸軍車.

到12:30

跟著同朋友坐小巴出左去葵芳新都會廣場，到元氣食壽司。。

食左雪場蟹壽司，唔夠好好味(成$20 一塊蟹爪=.=）

食完真係好飽，於是同人行左一陣商場，覺得悶悶地

就坐返地鐵返屋企。

（後記︰我去過哂三個香港軍營，我覺得石崗果個最多野睇－有跳蠔溝﹑爬城牆）